ولاد الحرام

 

زمان جدتى كانت تدعى ليا وتقولى ربنا يبعد عنك #ولاد_الحرام 

كنت اقولها ازاى ياستى كل الناس اللى اعرفها من عائلات ومعروفين وولاد ناس ازاى ولاد حرام بس؟

وبعدين فكرت كتير اوى فى الدعوة دى وبحثت كتير على الرغم أن بحوثى اقتصادية بس الفضول اخدنى لحد ما اكتشفت الاتى 👇

أن ولاد الحرام مش ولاد زنا زى ما كنا معتقدين للاسف 

ولاد الحرام كل من ربى ابنه على اخد حق مش حقة دا ابن حرام 

ولاد الحرام اللى أبوه داخل فى جيبه كل شبهات الحرام فا مربى ابنه على شىء حرام ومش واخد باله 

ولاد الحرام اللى اتربوا على مرتبات ودخول مشبوهه وفيها فساد 

كل اب دخل بيته مال من رشوة من سحت من اخد وظيفة من حد كان يستحقها واخدها بالكوسة كل اب شهد شهادة زور وفكر نفسه كسب لكن للاسف هو بيربى ابنه على الحرام 

ابن الحرام اللى أبوه اكل مال الغير وطمس حق البنات فى الميراث واكل الحقوق وبيربى ابنه على الحرام 

طبعا كل حرام يؤكل ويتربى عليه الابن مش بيكون فيه الصلاح لا لنفسه ولا للى حوليه ولا المجتمع لان ببساطة دا نبت منزوع البركة 

ابن الحرام توقع منه الندالة وقلة الأصل والنفس الغير سوية والشر واستحلال ما حرم الله 

الموضوع فعلا مش سهل 

شوف قصة الغلامين اليتيمين ربنا ادخر ليهم الكنز من الذهب والفضة حتى بلغا اشدهما وبعد كدا استخرجوة وكانت كلمة السر فى (((( وكان ابوهما صالحاً)))) 

وهذا تصديقا لقول الله تعالى

وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ وَمَا فَعَلْتُهُ عَنْ أَمْرِي ذَلِكَ تَأْوِيلُ مَا لَمْ تَسْطِعْ عَلَيْهِ صَبْرًا ﴾.

الخلاصة 

ربى ابنك على الحلال 

مش كل من لبس شيك وبيتكلم بكل لغات العالم ومن عائلات كبيرة يتقال عليه ابن حلال  

ولا كل اللى ماشى فى الشارع مستعفف بملابس ستراه يتقال عليه ابن حرام 

ولاد الحرام كتير عايشين وسط مننا بس احنا بندعى ربنا حرفيا يبعدنى ويبعد كل احبتى عن كل ابن حرام ويقرب لينا كل ولاد الحلال 

تابعونى فى كل مفيد وجديد ومهم وهادف