تريند ميدوسا

مين ميدوسا وايه قصة التريند دا؟! 

ميدوسا شخصيه من شخصيات قصص الاساطير الاغريقيه

 (كانت بتشتغل في معبد وكانت جميله وفاتنه لدرجة ان اله البحار بوسيدين اغتصبها ولما اله الحكمه عرف بدل ميعاقب الجاني عاقب ميدوسا وخلاها قبيحه وفي وشها تعابين وبقت ميدوسا رمز ومثال لضحايا التحرش والاعتداء الجنسي ) ودى القصة المسرودة وفى رواية أخرى بتقول أن اله الحكمة هو زوجة اله الحكمة حبت تنتقم من البنت علشان فاتنه زوجها فا عملت فيها كدا ايا كانت الروايتين فدا سرد ليس له حقائق بس ما علينا .

المهم👇

هوب يطلع ترند خطير فكرته أن كل واحدة تنزل صورة ميدوسا دى وتكتب فوق منها عن واقعة تحرش محارم وركز فى كلمة محارم دى يعنى ياريت تحرش عادى ( اى تحرش من اب من اخ  من اى نوع من القرايب ) 

وبدايته مع الحالة أنهم  بيكتبو انهم رايحين يعملو حاجه وبعدين يحطو صورة ميدوسا علي اغنيه (لو كنت اعرف ان ده ال هيحصل كنت هروح) ؟

 دلاله علي انهم لما راحو المشوار ده او المكان ده تم الاعتداء عليهم 

لحد كدا دا الموضوع 

الترند دا ترند تفكيكى معنوى للأسرة بكل ما تحمل الكلمة من معنى

خلى بالكم من أولادكم واطفالكم ارجوكم الفترة دى مهمه وفارقة فى ظل المتغيرات الاقتصادية العالمية

خلى بالكم كمية اكاونتات مزيفة وقد تكون من شباب أو بنات هتنزل الصور دى علشان يستقطبوا غيرهم ويبثوا افكار بالعزلة عن المجتمع والأسرة

خلى بالكم الترند دا مدمر نفسى قهرى للمراهقين تحديدا 

خلى بالكم راقبوا اكاونتات ولادكم الفترة دى واول ما تلاقيه اتأثرت بالترند دا أو بتتكلم فيه كتير اعرضوها على دكتورة نفسية للتقويم 

والبديل والأقوى عن الدكتور النفسى الام ثم الام ثم الام تسيبك من النت والفون وتقعدى تحتوى بنتك وتتكلمى معاها 

ياريت المتخصصين فى علم النفس يكثفوا حملات توعية ارجوكم مش كل حاجة فلوس هتتحاسبوا لو قصرتوا فى التوعية كلمة منك على صفحتك هتفرق كتير 

وبمناسبة الاعتداءات لا ننكر أن فى تجاوزات و اعتداءات ودى قلة قليلة جدا فى المجتمع  والمفروض نواجها ونعالجها كتابة مش بالترندات الغريبة فا ياريت  👇👇👇

تعلموا اطفالكم أن أى تعدى على الجسد مرفوض واى طفل اتعرض لكدا تروحوا بيه لمعالج نفسى ومش عيب 

مافيش حاجة اسمها خلوة دا ابن عمها زى اخوها او البنت تلبس محزق وملزق قدام اخواتها أو اى حد النفس البشرية الضعيفة والبعيدة عن تعاليم ربنا تعمل اكتر 

مافيش عزلة من اليوم ... مافيش حاجة اسمها كبرت أو ابنى كبر وعارف مصلحته اتكلموا واحتوهم احتوهم احتوهم 

الشباب والبنات اتكلموا بابا وماما وازواجكم خليكم واثقين فيهم اوعوا حد يفقد الثقه دى بينكم اتمسكوا بالأسرة كويس جدا ونخلى بالنا من الحشمة داخل وخارج البيت وتبعد مداخل الشيطان بلاش عزلة بلاش نمشى ورا اى تريند

حبيت اعرف جمهور فكر اقتصادى الواعى بكل ما يحدث على الساحة الآن لأن دا اخطر على الاقتصاد القومى من اى حاجة تانى لأن الغرب علشان يدمر الدول بيدخل من عامود الأساس اللى هو الأسرة 

لو وقعت الأسرة وقع كل شيء اللهم احفظ مصر من كل سوء

تابعونى فى كل جديد ومهم وهادف 

#معركة_الوعى 

#Medusa #ميدوسا

ارفضوا اى ترند يدمر مجتمعنا